2022 йилнинг 1-чорагида мурожаатлар билан ишлаш натижалари

Транспорт вазирлиги ҳузуридаги Йўл-қурилиш ишлари сифатини назорат қилиш инспекциясига 2022 йил 1-чораги давомида жисмоний ва юридик шахслар томонидан жами 154 та мурожаат келиб тушган. Бу кўрсаткич ўтган йилнинг шу даврига нисбатан 55,8 фоизга ошган.

Автомобиль йўлларидан фойдаланувчилардан келиб тушган 42 та мурожаат асосида ҳудудий давлат инспекторлари томонидан манфаатдор томонларнинг вакиллари иштирокида йўл объектларининг сифат кўрсаткичлари жойига чиқиб ўрганилди.

19 та мурожаат бўйича аниқланган камчиликларни бартараф этиш бўйича кўрсатмалар берилди. Кўрсатма талабларини муддатида бартараф этмаган 2 та ҳолат юзасидан мансабдор шахсларга нисбатан тегишли чоралар қўллаш бўйича маъмурий баённома расмийлаштирилиб, суд органларига тақдим қилинди. 5 та ҳолат бўйича 25 млн. 706 минг сўм миқдоридаги сифатсиз бажарилган қурилиш-монтаж ишларини ҳисоботдан чиқариш бўйича буюртмачиларга талабнома киритилди.

1 та ҳолат юзасидан Ўзбекистон Республикаси Маъмурий жавобгарлик тўғрисидаги Кодекснинг 147-моддаси 1-қисми бўйича маъмурий баённома расмийлаштирилди. 22 та мурожаатга биноан йўл объектларининг сифат кўрсаткичлари аниқланиб, уларни таъмирлаш дастурига киритиш юзасидан ҳокимликлар, автомобиль йўлини балансида сақловчи ташкилот ва тегишли сектор раҳбарларига таклифлар киритилди.

Юқоридагилардан ташқари, “Ўзйўлинспекция” раҳбарияти томонидан ҳудудларда ташкил этилаётган сайёр қабуллардаги аҳоли мурожаатлари юзасидан ҳам тегишли чоралар кўрилмоқда. Хусусан, 25 январь куни Навоий вилояти Навбаҳор тумани “Армижон” МФЙ, 26 февраль куни Тошкент вилояти Қибрай тумани “Мунтазам йўллардан фойдаланиш” корхонаси, 16 март куни Фарғона вилояти Риштон тумани “Амиробод” МФЙ биноларида ўтказилган сайёр қабуллардаги 12 та мурожаат ҳудудий давлат инспекторларининг қатъий назоратига олиниб, амалий кўмак кўрсатилди.

Инспекция Ахборот хизмати                                                                                                                      2022 йил 7 апрель

Галерея

• 
• 
• 
• 
• 
• 
• 
• 
• 
• 
• 
•