“Ўзйўлинспекция”да 2022 йилнинг январь-июнь ойлари якуни бўйича Жисмоний ва юридик шахсларнинг мурожаатлари билан ишлаш ҳолати юзасидан таҳлилий МАЪЛУМОТ

Ўзбекистон Республикаси Транспорт вазирлиги ҳузуридаги Йўл-қурилиш ишлари сифатини назорат қилиш инспексиясида
2022 йилнинг январ-июн ойлари якуни бўйича Жисмоний ва юридик шахсларнинг мурожаатлари билан ишлаш ҳолати юзасидан таҳлилий 

Маълумот

Ўзбекистон Республикаси Транспорт вазирлиги ҳузуридаги Йўл-қурилиш ишлари сифатини назорат қилиш инспексиясига 2022-йил январ-июн ойлари давомида Жисмоний ва юридик шахслар томонидан жами 290 та мурожаатлар келиб тушган. Ушбу кўрсаткич 2021-йилнинг шу даврига нисбатан 46,8% га ошган (2021-йил давомида 154 та мурожаат келиб тушган).

Шулардан, Ўзбекистон Республикаси Президенти портали орқали
72 та, Почта алоқа воситалари ва тўғридан-тўғри 92 та, Ишонч телефони орқали,
66 та (26 таси сайёр қабул, 29 таси ишонч телефони ҳамда 11 таси "Ўзбекистон телерадиоканали"  орқали), “Ўзйўлинспексия” веб-сайти орқали 60 та мурожаатлар келиб тушган. (1-жадвал)

“Ўзйўлинспексия”га Жисмоний ва юридик шахслар томонидан жами 290 та мурожаатлар келиб тушган.

Йўл қурилиш обуектидаги сифат кўрсаткичини аниқлашга оид - 79 та;

Обйектда назорат текширувини ўтказишга оид – 72 та;

Тегишли ташкилотларга йўналтирилган – 88 та;

Қаноатлантирилган – 17 та;

Кўрмасдан қолдирилган – 3 та;

Кўриб чиқиш тугатилган – 6 та;

Муддати келмаган мурожаатлар –25 та

Автомобил йўлларидан фойдаланувчилардан келиб тушган 79 та мурожаатлар асосида ҳудудий давлат инспекторлари томонидан манфаатдор томонларнинг вакиллари иштирокида йўл обуектларининг сифат кўрсаткичлари жойига чиқиб ўрганилди ва натижаси бўйича қуйидагилар амалга оширилди:

34 та мурожаат бўйича аниқланган камчиликларни бартараф этиш бўйича
52 та кўрсатма берилди, кўрсатма талабларини муддатида бартараф этмаган 4 та ҳолат юзасидан мансабдор шахсларга нисбатан тегишли чоралар қўллаш бўйича маъмурий баённома расмийлаштирилиб, суд органларига юборилди ҳамда 8 та ҳолат бўйича 473,469 млн сўм миқдорида сифатсиз бажарилган қурилиш-монтаж ишларини ҳисобот чиқариш бўйича буюртмачиларга талабнома киритилди;

Бундан ташқари, 1 та ҳолат юзасидан Ўзбекистон Республикаси МЖТК нинг 147-моддаси 1-қисми бўйича маъмурий баённома расмийлаштирилди;

44 та мурожаатларга биноан йўл объектларининг сифат кўрсаткичлари аниқланиб, мазкур объектларни таъмирлаш дастурига киритиш юзасидан ҳокимликлар, автомобил йўлини балансида сақловчи ташкилот ва тегишли сектор раҳбарларига таклифлар киритилди.

“Ўзйўлинспексия” томонидан 2022-йил 1-ярим йиллик учун “Жисмоний ва юридик шахсларнинг мурожаатлари тўғрисида”ги Қонуннинг 9-моддасига асосан, кўтарилган масалаларни жойларда ўрганиш бўйича сайёр қабулларни ташкил этиш юзасидан вилоятларда сайёр қабул ўтказилиши режалаштирилган.

 “Ўзйўлинспексия” раҳбарияти томонидан 2022-йил 1-ярим йиллик учун “Жисмоний ва юридик шахсларнинг мурожаатлари тўғрисида”ги Қонуннинг
9-моддасига асосан, кўтарилган масалаларни жойида ўрганиб чиқиш бўйича сайёр қабулларни ташкил этиш юзасидан тасдиқланган жадвалга асосан 1-чорак Фарғона вилояти ва 2-чорак Самарқанд вилоятида сайёр қабуллар ўтказилиши режалаштирилган.

2022 йил 1-чорак давомида 2022 йил 16 март куни Фарғона вилояти Риштон тумани “Амиробод” МФЙ биносида жисмоний ва юридик шахслар томонидан жами 7 та мурожаатлар қабул қилинган бўлиб, унинг ижросини таъминлаш бўйича йиғилиш баёнлари ва чора-тадбирлар режаси тасдиқланган ҳамда ҳудудий давлат инспекторлари томонидан ижроси таъминланган.

2022-йил 2-чорак давомида 2022-йил 30-июн куни Самарқанд вилояти Ургут тумани “Мўминобод” МФЙ биносида жисмоний ва юридик шахслар томонидан жами 5 та мурожаатлар қабул қилинган бўлиб, унинг ижросини таъминлаш бўйича йиғилиш баёнлари ва чора-тадбирлар режаси тасдиқланган ҳамда ҳудудий давлат инспекторлари томонидан ижроси назоратга олинган.

Бундан ташқари, Ўзбекистон Республикасининг “Жисмоний ва юридик шахсларнинг мурожаатлари тўғрисида”ги Қонунига асосан, “Ўзйўлинспексия”нинг ҳудудий бўлинмалар раҳбарлари томонидан 2021-йил
1-ярим йиллик учун Жисмоний ва юридик шахсларнинг вакилларини сайёр шахсий қабул қилиш бўйича тасдиқланган режа-жадвалга асосан қуйидаги ҳудудий бўлинма раҳбарлари томонидан жойларда сайёр қабуллар ўтказилиши режалаштирилган. Шундан белгиланган муддатларда:

Навоий вилояти – 2 та

Тошкент вилояти – 3 та

Жиззах вилояти – 4 та,

Сурхондарё вилояти – 6 та,

Қорақалпоғистон Республикаси- 4 та

Ушбу қабулда жисмоний ва юридик шахслар томонидан жами 19 та мурожаатлар қабул қилинган бўлиб, унинг ижросини таъминлаш бўйича йиғилиш баёнлари ва чора-тадбирлар режаси тасдиқланган ҳамда ҳудудий давлат инспекторлари томонидан ижроси таъминланган.

Шунингдек, Жисмоний ва юридик шахсларнинг мурожаатларини кўриб чиқилиши юзасидан амалий ўқув семинар-тренинг ўтказилиши йўлга қўйилди. Семинар-тренингда жисмоний ва юридик шахслар мурожаатлари билан ишлашда аввало Ўзбекистон Республикаси “Жисмоний ва юридик шахсларнинг мурожаатларни кўриб чиқиш тўғрисида”ги Қонуни ҳамда Ўзбекистон Республикаси Вазирлар Маҳкамасининг “Давлат органларида, давлат муассасаларида ва давлат иштирокидаги ташкилотларда жисмоний ва юридик шахсларнинг мурожаатлари билан ишлаш тартиби тўғрисидаги Намунавий низомни тасдиқлаш ҳақида” 2018-йил 7-майдаги 341-сон қарори мувофиқ ишлаш ҳамда амалдаги қонун ва қонуности ҳужжатларга қатъий риоя этилиши шартлиги ва белгиланган норма ва қоидаларга биноан ишларни ташкил этилиши зарурлиги бўйича ўқув семинар-тренинг Қорақалпоғистон Республикаси, Тошкент шаҳри ва вилоятларида ўтказилди.

“Ўзйўлинспексия”га келиб тушган “Жисмоний ва юридик шахсларнинг мурожаатлари” қонун талаблари асосида кўриб чиқилиши, мурожаат муаллифларига хатлар юборилиши, буюртмачи, ҳокимликлар ва сектор раҳбарларига мурожаат мазмунидан келиб чиққан ҳолда таклифлар киритилиши, юқори турувчи органларга белгиланган муддатларда ҳисоботлар тақдим этилиши ҳамда “Ўзйўлинспексия” веб-сайтига мурожаатлар бўйича маълумотлар киритилиши тизимли равишда амалга оширилмоқда.

0

Галерея

• 
• 
• 
• 
• 
• 
• 
• 
• 
• 
• 
•